«Արտյոմ Կանևսկոյը» դեռ արգելանքի տակ է, բայց մեղադրանք առայժմ չի ներկայացվել

Քրեական հեղինակություն համարող Արտյոմ Հարությունովը՝ «Արտյոմ Կանևսկոյը», դեռևս շարունակում է մնալ արգելանքի տակ, սակայն մեղադրանք եւս նրան դեռ չի ներկայացվել։ Այս մասին «Փաստինֆո»-ն տեղեկանում է ՔԿ-ից։

Հիշեցնենք, որ ոստիկանները դեկտեմբերի 6-ին բերման են ենթարկել քրեական հեղինակությանը՝ Արտյոմ Հարությունովին, նույն ինքը՝ «Արտյոմ Կանևսկոյին» և նրան ուղեկցող անձանց։ ՔԿ-ից դեկտեմբերի 7-ին հայտնել էին, որ երեք անձ է ներկայացվել ՔԿ համապատասխան բաժին։

Քրեական օրենսգրքի 297-րդ հոդվածի 2-րդ մասի 1-ին կետով քրեական վարույթ է նախաձեռնվել՝ խմբի կազմում խուլիգանության համար։ Որոշում է կայացվել խմբի կազմում խուլիգանություն կատարելու անմիջականորեն ծագած հիմնավոր կասկածի հիմքով նշված երեք անձանց ձերբակալելու վերաբերյալ։

Ինչպես պարզվեց՝ նրանք դեռևս արգելանքի տակ են, սակայն վարույթն իրականացնող մարմինը դեռևս մեղադրանք չի ներկայացրել։ Այս դեպքում՝ 72 ժամը լրանալու պայմաններում նրանք ազատ կարձակվեն։

Առավել մանրամասն՝ սկզբնաղբյուր կայքում։