Ամերիկուհիներն այլեւս չեն ցանկանում նմանվել Քիմ Քարդաշյանին

Ամերիկուհիներն այլեւս չեն ցանկանում նմանվել Քիմ Քարդաշյանին։

Հետույքի բրազիլական ձգման, կրծքի իմպլանտների եւ ֆիլերների չափից շատ օգտագործման երկար տարիներից հետո իրավիճակը փոխվել է։ Պլաստիկ վիրաբույժները կանխատեսում են «մեծ անկման տարի» 2025թ.։

«Ամերիկայի քարդաշյանացում»-ից հետո էսթետիիկ բժշկության  պացիենտներն այժմ հրաժարվում են BBL-ից, հանում են իմպլանտները եւ ներարկումները հօգուտ ավելի բնական կազմվածքի, ինչը կտրուկ տարբերվում է կանանց երբեմնի նորաձեւ ծաղրանկարային կերպարից։

«Ամեն բան վերադարձել է նրան, որ լավ կոսմետիկ կամ էսթետիկ պլաստիկ վիրահատությունը պետք է բնական տեսք ունենա, այն պետք է առողջ երեւա, ոչ թե մեծացված»,- The Post-ին ասել է պլաստիկ վիրաբույժ, դոկտոր Դեւիդ Շոքրիանը Նյու Յորքից (Millennial Plastic Surgery)։

«Բարձանման դեմքի» երեւույթը, որն օգտագործվում է ֆիլերների օգտագործումը նկարագրելու համար, պացիենտներին հետ է պահում ներարկումների կիրառումից։ Նրանք, ովքեր արդեն ունեն ֆիլերներ գիալուրոնաթթվի հիման վրա, ոգեշնչվել են եւ որոշել վերադառնալ «մաքուր էջի»։

Ենթադրվում է, որ հենց այդ մոտեցումը կօգտագործեն այնպիսի աստղեր, ինչպիսին են Լինդսի Լոհանը (38 տարեկան) կամ Դոնաթելա Վերսաչեն, որոնք վերջերս ցնցել են շատերին իրենց թարմ տեսքով։

«Դեմքը վերականգնվում է եւ երիտասարդանում՝ առանց այդ բոլոր ֆիլերների հսկայական քանակության»,- ասել է Շոքրիանը։

Լոսանջելեսցի բժիշկ Էննի Չիուն նույնպես նշել է «ներարկման հակառակ ռեակցիան»՝ հայտնելով The Hollywood Reporter-ին, որ շուկան այս տարի անկում է ունեցել։

«Սկզբում բոլորին կոչ էին անում դա անել ինսթագրամի կոնտուրային դեմքին նմանվելու համար, բայց այժմ կա տարօրինակ երեւալու իրական վախ»,- ասել է նա պարբերականին։ «Իմ գործընկերները կարծում են, որ Լոս Անջելեսում շատ են ջանացել, բայց վատ աշխատանք կա ամենուրեք, հատկապես Մայամիում եւ Դալասում, իսկ «Նյու Յորքի տնային տնտեսուհիների» տեսքը հաստատ նրբին չէ»։

Շոքրիանը նշել է նաեւ պացիենտների հարցումների թվի աճը, որոնք ցանկանում են փոքրացնել կամ հեռացնել կրծքի իմպլանտները։

«Մեծ անկումը» մասամբ պայմանավորված է Ozempic-ի եւ նիհարելու համար կիրառվող այլ դեղամիջոցների հանրահայտության աճով, որոնք դարձել են հատկապես տարածված հանրահայտ անձանց եւ միջին վիճակագրական ամերիկացիների շրջանում, որոնցից յուրաքանչյուր ութերորդին վերագրում են ներարկում կամ նման դեղամիջոց։

Վիրաբույժները կարծում են, որ Հոլիվուդը կողմնակի ազդեցության ներքո է որը հայտնի է որպես «Ozempic-ի դեմք», որը, ինչպես նշում են նրանք, առնչվել է բոլորին՝ Ջոն Գուդմանից մինչեւ Շերոն Օսբորն։

Պլաստիկ վիրաբույժները նախազգուշացնում են, որ «Ozempic-ի դեմք»-ը զավթել է Հոլիվուդը։

Անգամ Քարդաշյանները, թերեւս, «թսկել» են. Քիմի եւ Քլոեի վաղեմի փքուն ձեւերը, որոնք մի ժամանակ առաջացնում էին կանանց նախանձը, վերջին տարիներին փոքրացել են հօգուտ ավելի կառուցիկ կազմվածքի։

Աղբյուր` news.am