Աբովյան համայնքի ղեկավար Էդուարդ Բաբայանն ուղերձ է հղել Մարդու իրավունքների միջազգային օրվա կապակցությամբ

Աբովյան համայնքի ղեկավար Էդուարդ Բաբայանն ուղերձ է հղել Մարդու իրավունքների պաշտպանության միջազգային օրվա առթիվ։

 

Ուղերձում, մասնավորապես, ասված է․

 

«1948թ. դեկտեմբերի 10-ին ՄԱԿ-ի Գլխավոր ասամբլեան ընդունել է Մարդու իրավունքների համընդհանուր հռչակագիրը. այս օրն ամբողջ աշխարհում նշվում է որպես Մարդու իրավունքների պաշտպանության միջազգային օր:

 

Յուրաքանչյուր մարդ ունի օրենքով սահմանված հիմնարար իրավունքներ ու ազատություններ, որոնց առաջին պաշտպանը պետությունն է և համապատասխան մարմինները, միևնույն ժամանակ յուրաքանչյուր իրավագիտակից քաղաքացի ու արդարամիտ կառույց ամենօրյա անկողմնակալ գործունեությամբ ուրույն դեր ունեն մարդու իրավունքների իրազեկման ու պաշտպանության կարևոր հարցում:

 

Իմ անմիջական ուշադրությամբ այս սկզբունքով է աշխատում Աբովյանի համայնքապետարանի աշխատակազմը, որտեղ լսելի են բնակիչների բարձրաձայնած հարցերը, ուշադրության կենտրոնում են խոցելի խմբերում հայտնված քաղաքացիների խնդիրները:

 

Ամենատարբեր կազմակերպությունների, հիմնադրամների հետ համագործակցությամբ համայնքապետարանը բազմիցս իրականացնում է տեղահանված արցախցիներին առնչվող իրազեկման, աջակցությունների տրամադրման աշխատանքներ. կարևորելով իրավահավասար պայմանների ստեղծումը՝ համայնքապետարանը նպաստում է հաշմանդամ անձանց մշակութային և սպորտային միջոցառումների անցկացմանը, կազմակերպում երեխաների իրավունքների իրազեկման արշավներ և մասնակցում ոլորտին առնչվող ամենատարբեր ծրագրերի:

 

Մարդու իրավունքների պաշտպանության միջազգային օրվա առիթով ջերմորեն շնորհավորում եմ բոլորիս, լիահույս եմ, որ համատեղ ուժերով կհասնենք իրավագիտակից հանրության, հանդուրժող ու հոգատար հասարակության ձևավորմանը»: