Քաղաքականության առևտրականների հետ գործ չունեմ, հանդիպել եմ նրանց հետ, ում հետ պետք էր․ Բագրատ Սրբազան (տեսանյութ)

Բագրատ Սրբազանը լրագրողների հետ զրույցում հայտնեց, որ հանդիպումներ է ունենում քաղաքական ուժերի հետ, սակայն այլ մանրամասներ չհայտնեց։

«Քաղաքականությունը շատ վեհ արվեստ է, բայց երբ այն վերածվում է արհեստի, դառնում է ուղղակի առևտուր։ Ես առևտրականների հետ գործ չունեմ»,– նշեց նա։

Պատասխանելով հարցին, որ եթե հավակնում է վարչապետի պաշտոնին՝ ինչո՞ւ չի հրաժարվում Կանադայի քաղաքացիությունից, նա ասաց․ «Ես չեմ հավակնում ոչ մի բանի։ Ես միջոց, գործիք հնարավորություն եմ այդ փոփոխությունը կատարելու համար։ Ով որ հավակնում է՝ նա չգիտի ինչ է ուզում այս կյանքում։ Կանադայի քաղաքացիությունից հրաժարվելը տասներորդական հարց է»,– ասաց նա՝ նշելով, որ սփյուռքում ապրող մեր հայրենակիցները պետք է լիակատար իրավունք ունենան մասնակցելու մեր երկրի կյանքին։

Սրբազանը նշեց, որ Սիրիայում տեղի ունեցող այս աղետի մեջ ՀՀ–ն բացարձակապես լվացել է ձեռքերը։