Հայաստանում քաղաքացիները շարունակում են ենթարկվել քաղաքական բռնաճնշումների․ փաստաբան

ՀՀ–ում վերջին տարիների իրադարձությունները ցույց տվեցին, որ Հայաստանում քաղաքացիները շարունակում են ենթարկվել քաղաքական բռնաճնշումների, ոտնահարվում են քաղաքացիների քաղաքական իրավունքները։ Այս մասին լրագրողների հետ զրույցում ասաց փաստաբան Վարազդատ Հարությունյանը։

«Թյուր կարծիք կա, որ միայն քաղաքական իրավունքների մասով են ՀՀ քաղաքացիները խնդիրներ ունենում, բայց այն իշխանությունների համար, ովքեր թքած ունեն քաղաքացիների քաղաքական իրավունքների վրա, դա վերածվում է բոլոր տեսակի իշխանական չհիմնավորված հարկադրանքի թիրախի»,– նշեց փաստաբանը։

Խոսելով ՔՊ–ից հեռացված պատգամավոր Հովիկ Աղազարյանի հետ կապված իրադարձությունների մասին՝ նա նշեց, որ միգուցե գործ ունենք հնարավոր քաղաքական հետապնդման դեպքի հետ։

«Իշխանությունները փորձում են Հովիկ Աղազարյանի դեպքի վրա ցույց տալ բոլոր մնացած ՔՊ–ական պատգամավորներին, թե ինչ կպատահի իրենց հետ, եթե Աղազարյանի նման վարք դրսևորեն»,– ասաց նա։