Արմինե Հովհաննիսյանը պարգևատրվել է «Hope Makes the World Light Up» մրցանակով

Դեկտեմբերի 7-ին, Լոս Անջելեսում Օրրանի հիմնադիր և Հայաստանի «Պատանեկան Նվաճումներ» կազմակերպության գործադիր տնօրեն Արմինե Հովհաննիսյանը պարգևատրվել է  «Hope Makes the World Light Up» մրցանակով իր բարեգործական, հասարակական և կրթական ոլորտներում ունեցած նշանակալի ներդրման համար։

Պարգևը հանձնել են Տ. Հովնան Արքեպիսկոպոս Տերտերյանը և Լոս Անջելեսի քաղաքային խորհրդի անդամ Փոլ Գրիգորեանը։ Պարգևատրման արարողությունը տեղի է ունեցել ԱՄՆ Հայոց Արևմտյան Թեմի Սուրբ Ծննդյան հանդիսավոր երեկոյի ընթացքում։