Որտեղ եւ ինչպես են պատրաստում «աշխարհի ամենավտանգավոր պիցցան»
Ժամանց
Գվատեմալայում «աշխարհի ամենավտանգավոր պիցցան» են պատրաստում: Խոհարար Մարիո Դեյվիդ Գարսիան առաջարկում է պիցցա վայելել Pacaya հրաբխի գագաթին, որը ակտիվ հրաբուխ է, եւ վերջին անգամ ժայթքել է 2021 թվականի մայիսին: Նա օգտագործում է լավան որպես կերակուր պատրաստելու միջոց։
«Ես վաճառում էի ամեն ինչ՝ պաղպաղակից մինչեւ բանջարեղեն, բայց երբեք չէի մտածում, որ հրաբուխը կլինի իմ խոհարարական հաջողության մեկնարկային կետը»,-ասել է Գարսիան Times UK-ին:
Գարսիան կրում է հաստ ջերմակայուն ձեռնոցներ եւ անվտանգության համար դեղին ակնոցներ՝ նախքան ճաշատեսակը պատրաստելը: Հրաբխի գագաթին գտնվող պիցցերիան գործում է արդեն հինգ տարի, եւ ուղեկցվում է հրաբխի «մռնչյունով»։
«Մի օր հրաբուխը շատ ծծումբ արձակեց»,- հիշում է Գարսիան,-«Երբ մենք իջանք, մեր քթից արյունահոսություն սկսվեց, ուստի մենք փակեցինք ռեստորանը 15 օրով»:
Գվատեմալայի երեք ակտիվ հրաբուխները գրավում են ամբողջ աշխարհի զբոսաշրջիկներին:
Գարսիան մշտապես ստուգում է Գվատեմալայի պաշտոնական օդերեւութաբանական ինստիտուտի հաշվետվությունները: «Մենք միշտ ուշադիր հետեւում ենք հրաբխի գործունեությանը: Բայց հանկարծակի փոփոխություններ լինում են»,-ասում է նա: «Մայր բնությունն է: Չգիտես, թե ինչ է լինելու հետո»:
Ամենադիտված 
36 ժամ ջուր չի լինելու
