Նիկոլ Փաշինյան․ «Եվրաքվեին» «քցելու» նուրբ արվեստը

Նիկոլ Փաշինյանը վերջերս հարցազրույցում նշեց, որ դեմ չէ «Եվրաքվե» նախաձեռնությանը, անգամ Ազգային ժողով մուտք գործելու ժամանակ, նա այսպես ասած՝ խոչընդոտ չի հանդիսանա, գրում է Euromedia24.com-ը։ 

Տեղեկացնենք, որ ըստ Սահմանադրության, հանրաքվեի դնելու համար հարկավոր է ԱԺ պատգամավորների 2/3 (երկու երրորդը) դրական քվեարկությունը։ 

«Քաղաքացիական պայմանագիր» կուսակցությունը ԱԺ-ում ունի 71 մանդատ, որն էլ հենց կազմում է 2/3-ը։ Փաստացի, Փաշինյանի խմբակցության դրական քվեարկության դեպքում, նախագիծը կընդունվի, սակայն արդեն իսկ կա խոչընդոտ։ 

«Քաղաքացիական պայմանագիր» խմբակցությունից վերջերս դուրս վռնդվեց Հովիկ Աղազարյանը, ով այս պահին իրեն համարում է անկախ պատգամավոր։ Մեկ այլ պատգամավոր Հակոբ Ասլանյանը ևս ցանկացավ դուրս գալ խմբակցությունից, սակայն այդտեղ մի փոքր այլ է իրավիճակը։ Ասլանյանի աշակերտ, ԲՏԱ նախարար Մխիթար Հայրապետյանը, կարծես թե, կարողացել է «կարգազանց» պատգամավորին հետ վերադարձնել։ 

Ինչևէ, Աղազարյանի հեռանալուց հետո, եթե խորհրդարանական ընդդիմությունը դեմ է քվեարկում «Եվրաքվեին», ապա ՔՊ-ականները չեն կարողանա ընդունել նախագիծը, ինչի արդյունքում այն կգնա այլ ճանապարհով՝ 300 հազար ստորագրություն հավաքելու ճանապարհով։ 

Ինչն էլ իր հերթին նշանակում է, որ Փաշինյանը իր մանևրներով ընդամենը վիժեցնում է եվրոպական այդ նախագիծը՝ ջրից չոր դուրս գալով, ամբողջ «պռավալը» բարդելով Հովիկ Աղազարյանի վրա։