«Նոա»-ն հանդիպման վերջնամսում բաց թողած գնդակների պատճառով զիջեց ԱՊՕԷԼ-ին

Ֆուտբոլի Կոնֆերենցիաների լիգայի 5-րդ տուրի շրջանակներում «Նոա»-ն Երևանում հյուրընկալեց կիպրական ԱՊՕԷԼ-ին:

Վազգեն Սարգսյանի անվան «Հանրապետական» մարզադաշտում կայացած խաղի մեկնարկային րոպեներին երկու թիմերը բավականին ակտիվ էին, բայց հիմնականում գնդակին տիրում էր «Նոա»-ն: Սակայն ԱՊՕԷԼ-ը ին կարողացավ օգտագործել իր պահը խաղի 23-րդ րոպեին: Անկյունային խաղարկումից հետո գոլի հեղինակ դարձավ Չեբակը: Խփած գնդակից հետո կիպրական թիմը նախաձեռնությունն իր ձեռք վերցրեց: Խաղակեսի վերջնամասում, սակայն, «Նոա»-ն կարողացավ ճնշել մրցակցին ու վերականգնել հաշվի հավասարությունը: Գոլն իր ակտիվում գրանցեց Այասը:

Երկրորդ կեսում երևանյան ակումբն առավել շատ պահեր էր ստեղծում, սակայն չէր իրացնում իր հնարավորությունները: «Նոա»֊ն դրվագներից մեկում կարողացավ գոլ խփել, սակայն մրցավարն այն չեղարկեց տեսակրկնապատկերը դիտելուց հետո. գոլի հեղինակ Վիրջիլ Պինսոնը ձեռքով էր խաղացել։ Ի վերջո, «Նոա»-ն չկարողացավ հաղթանակի նժարն իր կողմը շրջել, իսկ ԱՊՕԷԼ-ին հաջողվեց հաղթանակ կորզել վերջին րոպեներին: Նախ 89-րդ րոպեին աչքի ընկավ Կոստադինովը: Իսկ արդեն ավելացված 3-րդ րոպեին դիպուկ հարվածով գոլ հեղինակեց Աբագնան: 

«Նոա»-ԱՊՕԷԼ`1:3: 

Կոնֆերենցիաների լիգայի վերջին տուրում `«Նոա»-ն արտագնա խաղում կմրցի սերբական «Բաչկա Տոպոլ»-ի հետ: Հանդիպումը կկայանա դեկտեմբերի 20-ին, Երևանի ժամանակով կեսգիշերին:

Լուսանկարը` «Նոա»-ի