Ամերիկացին վիճակախաղով 197,5 միլիոն դոլար է շահել և պահանջել կրկնակի վճարել իրեն

ԱՄՆ Կալիֆորնիայից «Mega Millions» վիճակախաղի մասնակիցը շահել է 197,5 միլիոն դոլար և պահանջել կրկնակի վճարել իրեն։ Այս մասին գրում է The New York Post-ը։

Ֆարամարզ Լահիջանին մուլտիմիլիոնատեր է դարձել 2023 թվականի դեկտեմբերին։ Նա հաջողակ տոմս է գնել Էնսինո քաղաքում գտնվող Chevron բենզալցակայանից: Շուտով հայտնի է դարձել, որ նույն գազալցակայանում վաճառվել է մեկ այլ տոմս, որի սեփականատերը նույնպես շահել է 197,5 մլն դոլար։

Խաղարկությունը տեղի է ունեցել 2023 թվականի դեկտեմբերի 9-ին, երկրորդ ջեքփոթի տերը մեկ տարի ուներ իր մասին հայտարարելու համար, սակայն այդպես էլ չի արել։ Լահիջանին դեռ ամռանը հայտարարեց, որ հենց ինքն է գնել երկրորդ տոմսը, և իր ընդհանուր շահումը պետք է կազմի 394 միլիոն դոլար:

Ամերիկացու խոսքով՝ խաղարկության ժամանակ ինքը երկու տոմսերի վրա էլ նույն թվերն է օգտագործել։ Սակայն հետո երկրորդ տոմսը կորել է։ Այժմ Լահիջանին հայց է ներկայացրել «Mega Millions»–ի դեմ՝ փորձելով ստանալ այն, ինչ ինքը պնդում է, որ իր շահումն է: Ավելին՝ ամերիկացին դատարան է դիմել դեկտեմբերի 4-ին՝ տոմսի ժամկետը լրանալուց երեք օր առաջ։

Վիճակախաղի կազմակերպիչները նշել են, որ տեսականորեն հնարավոր է մի իրավիճակ, երբ երկու ջեքփոթ են շահել նույն թվերով, բայց հնարավորությունը չափազանց փոքր է։ Դատավարության այլ մանրամասներ այս պահին չեն հաղորդվում: Լահիջանին հրաժարվել է զրուցել լրատվամիջոցների հետ։