Կինը դատի է տվել ամուսնուն՝ կատվին շատ սիրելու համար

Կառնատակայի (Հնդկաստան) Գերագույն դատարանը որոշել է դադարեցնել հետաքննությունը Բանգալորի բնակչի դեմ, ում կինը մեղադրել է իրենց ընտանի կատվի նկատմամբ չափից շատ ուշադրության մեջ, որն իբր ընտանեկան վեճերի պատճառ է դարձել։ Այս մասին գրում է Hindustan Times-ը։

Ըստ դատավորի, գործն սկսվել է կնոջ բողոքով, որը պնդել է, թե իր ամուսինն ավելի շատ ուշադրություն է դարձնում իրենց կատվին, քան իրեն: Նա նաև նշել է, որ ընտանի կենդանին բազմիցս հարձակվել և ճանկռել է իրեն, ինչը դարձել է կոնֆլիկտների պատճառ։

Թեև բողոքը ներկայացվել է Հնդկաստանի Քրեական օրենսգրքի 498Ա հոդվածի համաձայն, որը վերաբերում է դաժան վերաբերմունքին, դատավորն ասել է, որ գործը չի համապատասխանում տվյալ հոդվածի իրավական չափանիշներին: Դատավորը նշել է, որ խոսքը գնում է ընտանեկան իրավիճակից առաջացած կենցաղային վեճի, այլ ոչ թե բռնության կամ շահագործման դեպքի մասին։

Դատարանն ընդգծել է, որ նման դեպքերը, որոնք հիմնված են չնչին տարաձայնությունների վրա, շեղում են արդարադատության համակարգին ավելի ծանր հանցագործություններով զբաղվելուց։

«Նման կոնֆլիկտները չպետք է դառնան քրեական գործընթացներ»,- ասել է դատավորը։