Տիգրան Բարսեղյանը բաց կթողնի 4-6 շաբաթ

Սլովակիայի չեմպիոն «Սլովանի» եւ Հայաստանի հավաքականի 31-ամյա հարձակվող Տիգրան Բարսեղյանը մկանային վնասվածքի պատճառով բաց կթողնի 4-6 շաբաթ, հայտնել է Բրատիսլավայի թիմի գլխավոր մարզիչ Վլադիմիր Վայսն ասուլիսում։

Տիգրան Բարսեղյանը վնասվածքը ստացել էր Մադրիդի «Աթլետիկոյի» դեմ Չեմպիոնների լիգայի 6-րդ տուրի խաղում եւ փոխարինվել էր 35-րդ րոպեին։ «Սլովանը» պարտվել էր 1:3 հաշվով։

Ընթացիկ մրցաշրջանում Տիգրան Բարսեղյանը «Սլովանի» հետ մասնակցել է 29 հանդիպման, խփել է 17 գոլ, կատարել 5 գոլային փոխանցում։