Եթե մի օր ուշ ձեռք բերվեր հնարավոր է, կրկնակի ավել գումար վճարվեր․ Ավինյանը՝ ԱՄՆ իր թռիչքի տոմսերի գների մասին (տեսանյութ)

ԱՄՆ կատարած այցից հետո եմ իմացել տոմսերի գները և, անկեղծ ասած ինքս ապշել էի այդ գներից։ Կարծում եմ այս հարցում ընդանուր անտարբերության և անպատախանատվության խնդիր կա։ Այս մասին այսօր գործակարգավարական նիստի ժամանակ ասաց Երևանի քաղաքապետ Տիգրան Ավինյանը։

«Նոյեմբերի 22-ի թռիչքի տոմսերը ձեռք են բերվել նոյեմբերի 20-ին։ Եթե մեկ օր ուշ գնվեր, գուցե կրկնակի կամ եռակի ավել վճարեինք։ Ուստի որոշել եմ այդ ծախսը ամբողջությամբ փոխհատուցել»- նշեց քաղաքապետը։ 

Ավինյանը իր աշխատակցին հանձնարարեց՝ ուսումնասիրել ու հասկանալ, թե ինչու է տոմսերի գնման գործընթացն արվել  թռիչքից երկու օր առաջ միայն։