«Իսկական քաղցկեղածին». պարզվել է, թե ով չպետք է որևէ ձևով մեղր ուտի

Կարո՞ղ է մեղրը վտանգավոր լինել առողջության համար. Սննդաբան Օլգա Ռեդինան հայտարարել է, որ դա միանգամայն իրատեսական է։

Մեղրը բնական քաղցրացուցիչ է։ Այն պարունակում է մեծ քանակությամբ ֆրուկտոզա և սախարոզա։ Մասնագետի խոսքով՝ մեղրի օգտագործումը հանգեցնում է արյան գլյուկոզի կտրուկ թռիչքների, ինչը կարող է վտանգավոր լինել շաքարային դիաբետով հիվանդների համար։ Ուստի նրանք ստիպված կլինեն հրաժարվել այս մթերքից՝ իրենց առողջությունը պահպանելու համար։

Մեղրը պարունակում է շատ շաքար, ինչը նշանակում է շատ կալորիաներ։ Եթե ​​մարդ ցանկանում է նիհարել, ուրեմն ստիպված կլինի հրաժարվել քաղցրավենիքից։ Նաև չպետք է մեղրն օգտագործել որպես շաքարի փոխարինող, դրանք մոտավորապես նույն հատկություններն ունեն, պարզաբանել է«Վեչերնյայա Մոսկվա»-ի զրուցակիցը։

Սակայն շաքարախտն ու գիրությունը միակ հակացուցումները չեն։ Ստամոքս-աղիքային հիվանդություններ ունեցողները (խոցեր, գաստրիտներ և այլ պաթոլոգիաներ) նույնպես պետք է մեղր ուտեն մեծ զգուշությամբ։ Արտադրանքը դժվարամարս է և կարող է սրել ցավը և ստամոքսում անհանգստություն առաջացնել:

Առողջ չափահաս մարդուն խորհուրդ է տրվում ուտել օրական 2 ճաշի գդալից ոչ ավել մեղր։ Դա պետք է անել ուտելուց հետո, քանի որ մեղրը խթանում է ենթաստամոքսային գեղձի ֆերմենտների արտադրությունը։ Նաև չպետք է տաքացնեք արտադրանքը. այն կորցնում է իր օգուտները և արտազատում թունավոր նյութեր՝ վերածվելով իսկական քաղցկեղածնի։

mediahub.am