Սննդաբանը զգուշացրել է պանրի վնասակարության մասին

Պանրի օգտակարությունը կայանում է դրա հարուստ բաղադրության մեջ, ասել է սննդաբան Ելենա Սոլոմատինան։ «Вечерняя Москва»-ի հետ զրույցում նա նաև զգուշացրել է մթերքի վնասակարության մասին։ Պանիրը, բացատրել է բժիշկը, պարունակում է A, D, E և K վիտամիններ, որոնք անհրաժեշտ են օրգանիզմի առողջության պահպանման համար։ 

Այն նաև պարունակում է կալցիում, ֆոսֆոր այլ օգտակար նյութեր։ Սակայն, ֆերմենտացված կաթնամթերքը պարունակում է նաև տիրամին, որը կարող է գլխացավ առաջացնել: Սոլոմատինան խորհուրդ չի տվել հիպերտոնիայով տառապող մարդկանց պանիր օգտագործել: Նա հիշեցրել է, որ պանիրը շատ աղ է պարունակում։ 

«Արյան բարձր ճնշում ունեցող մարդիկ պետք է նախապատվությունը տան ոչ աղի և կաթնաշոռային տարբերակներին, ինչպիսին է, օրինակ, մոցարելան: Կարևոր է նշել, որ այն բավականին բարձր կալորիականությամբ մթերք է, ուստի նրանք, ովքեր տառապում են գիրությամբ կամ պարզապես հետևում են իրենց կազմվածքին, պետք է սահմանափակ քանակությամբ ուտեն այն»,- բացատրել է նա։