ԱՄՆ-ում քննադատել են Թրամփի՝ մեկ անձի համար 1,7 միլիոն դոլար արժողությամբ ընթրիքը

Կրիպտոմիլիոնատերերը, ովքեր միջինը ծախսել են ավելի քան 1,7 միլիոն դոլար՝ գնելով ԱՄՆ նախագահ Դոնալդ Թրամփի memecoin-ները, անակնկալի են եկել այդ առիթով կազմակերպված ընդունելության ժամանակ: Ընթրիքին ներկաներն ասել են, որ սնունդն ավելի վատն է, քան այն, ինչ մատուցում են ինքնաթիռներում, հաղորդում է The Daily Telegraph-ը:

«Դոնալդ Թրամփի՝ կրիպտոներդրողների՝ մեկ անձի համար 1,7 միլիոն դոլար արժողությամբ ընթրիքը ավելի վատն էր, քան ավիաընկերությունների սնունդը», - ասվում է հրապարակման մեջ:

Միջոցառումը տեղի է ունեցել Վիրջինիա նահանգի ԱՄՆ նախագահի գոլֆ ակումբում։ Հրատարակության տվյալներով՝ հյուրերին Թրամփի տարբերանշանով ափսեների վրա հյուրասիրել են տապակած հալիբուտ՝ ցիտրուսային սոուսով, և ֆիլե մինյոն՝ դեմի-գլեյս սոուսով։ Սակայն ճաշատեսակների տեսքն ու բանջարեղենի քիչ քանակությունը հիասթափեցրել են հյուրերին։ Նրանցից մեկի խոսքով՝ «միակ լավ ուտելիքը հացն ու կարագն էր»։