Ես դեմ եմ, չեմ կարծում, որ պետք է զինվորական ծառայությունը գումարով լինի․ Արտակ Դավթյան
Հասարակություն
Ես կարծում եմ, որ գումարով զինվորական ծառայությունից ազատվելը ճիշտ չէ։ Այս մասին NEWS.am–ի հետ զրույցում նշեց Զինված ուժերի գլխավոր շտաբի նախկին պետ Արտակ Դավթյանը՝ անդրադառնալով նախաձեռնությանը, ըստ որի զորակոչիկը կարող է վճարել 18 մլն դրամ եւ ծառայել 4 ամիս, կամ վճարել 24 մ,լն դրամ եւ ծառայել մեկ ամիս։
«Առաջինը մեր ազգի հոգեբանությունն է, որ շատերը կարող են իրենց տունը, տեղը, ամեն ինչը ծախեն իրենց երեխային ազատելու համար: Երկրորդը, մեկ կամ չորս ամիս ծառայողի դեպքում, ինչպիսին են լինելու միջանձնային հարաբերությունները մյուս զինծառայողների հետ։ հաջորդը՝ կարճ ժամանակահատվածում մասնագիտորեն չեն կարողանա զինծառայողին պատրաստեն որպես ինչ-որ մասնագիտ։ Մեկ ամսում ի՞նչ զինվոր պիտի պատրաստվի, որ հետագայում էլ պահեստազորում հաշվառվի և կանչվի բանակ։ Այսինքն շատ-շատ են փաստարկները։ Ես չեմ կարծում, որ պետք է զինվորական ծառայությունը գումարով լինի, ես դեմ եմ»։
Արտակ Դավթյանը չցանկացավ մեկնբանել հարցը, թե արդյոք իր՝ ԳՇ պետ եղած ժամանակ այս նխագիծը քննարկվել է եւ արդյոք ինքը հայտնել է իր դեմ կարծիքը այդ ժամանակ։ «Երբ ես ծառայության եմ եղել, ես մեկնաբանություն չեմ տվել, իսկ ծառայությունից դուրս ես մեկնաբանություն տվել եմ»։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
