Ուկրաինան երրորդ անգամ փորձել է հարվածել Ղրիմին մեկ օրվա ընթացքում

Ռուսաստանի պաշտպանության նախարարությունը հայտնել է, որ հուլիսի 2-ի առավոտյան Ուկրաինայի զինված ուժերը երրորդ անգամ փորձել են հարվածել Ղրիմին։ Ժամը 10:20-ից 11:05-ն ընկած ժամանակահատվածում ռուսական ՀՕՊ համակարգերը խոցել են չորս անօդաչու թռչող սարք։

Նախքան դա՝ գիշերը և վաղ առավոտյան նույնպես արձանագրվել էին հարձակումներ․ ընդհանուր առմամբ խոցվել է առնվազն 13 դրոն, գրում է Лента.ру-ն։

Պետդումայի պաշտպանության կոմիտեի անդամ Անդրեյ Կոլեսնիկն այս գործողությունները կապում է Ուկրաինայի նախագահի՝ իշխանությունն իր ձեռքում պահելու փորձերի հետ՝ պնդելով, թե նման հարձակումներով Զելենսկին «ավելի է օտարում Ղրիմի բնակիչներին»։