Միքայել Սրբազանին էլ, Դավիթ Համբարձումյանին էլ կողմ ենք, ստորագրությունները կան. Լևոն Քոչարյան (տեսանյութ)
ՔաղաքականԴավիթ Համբարձումյանի մասով ճիշտ չի ձեր գնահատականը, մենք չենք ասել կողմ չենք իր թեկնածությանը, հակառակը հրապարակային հայտարարել ենք, որ կողմ ենք։ Այս մասին, այսօր՝ հուլիսի 4–ին, ԱԺ–ում լրագրողների հետ զրույցում նշեց ԱԺ «Հայաստան» խմբակցության պատգամավոր Լևոն Քոչարյանը՝ անդրադառնալով իմպիչմենտի գործընթաց սկսելուն։
«Մենք ունենք մեր ֆրակցիայի հայտարարությունը, որ դեպքում կմիանանք իմպիչմենտի գործընթացին, իսկ Դավիթի մասով մենք հայտարարել ենք, որ կողմ ենք, նույնիսկ ցույց ենք տվել ստորագրությունները ավելորդ շահարկումներից խուսափելու համար»,–ասաց նա։
Ինչ վերաբերում է նրան, որ «Հայաստան» խմբակցությունը հայտարարեց, որ կողմ է Միքայել Սրբազանի թեկնածությանը եւ միանում է ստորագրահավաքին, Լևոն Քոչարյանն ասաց. «Աջապահյանի մասով ևս դա մեր նախաձեռնությունը չի եղել, կար արդեն նախաձեռնություն և մենք էլ հայտարարել ենք, որ եթե Սրբազանը համաձայնվի, մենք էլ մենք մեր ստորագրություններով կաջակցենք»։
Հարցին՝ փորձե՞լ են զրույց ունենալ Միքայել Սրբազանի հետ եւ համոզել, որ առաջադրվի, Լեւոն Քոչարյանը հարցով պատասխանեց. «Ինչպե՞ս հարցազրույց ունենալ, եթե տեսակցությունները սահմանափակված են»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
