Զելենսկին հաստատել է ռազմագերիների փոխանակումը Ռուսաստանի հետ

Ուկրաինայի նախագահ Վլադիմիր Զելենսկին հայտնել է հերթական ռազմագերիների փոխանակման մասին Ռուսաստանի հետ։ Նրա խոսքով՝ վերադարձած զինծառայողների մեծ մասը ռուսական գերության մեջ է եղել դեռ 2022 թվականից։

Զելենսկին ընդգծել է, որ նման փոխանակումները պետք է շարունակվեն՝ շնորհակալություն հայտնելով բոլոր այն կողմերին, որոնք նպաստել են գործընթացին։ Վերադարձածների թվում են Ուկրաինայի Զինված ուժերի, Ազգային գվարդիայի, Սահմանապահ ծառայության և Պետական տրանսպորտային ծառայության ծառայողներ։

Փոխանակված զինվորները նախկինում կռվել են Դոնեցկի, Լուգանսկի, Խերսոնի, Խարկովի շրջաններում և Մարիուպոլում, գրում է Лента.ру-ն։