Թրամփի «Մեծ Գեղեցիկ Օրենսգիրքը» խորը սոցկրճատումներով, միլիարդավոր մաքսազերծումներով ու $3 տրիլիոն նոր պարտքով

Հուլիսի 3-ին ԱՄՆ Ներկայացուցիչների պալատը փոքր տարբերությամբ հաստատեց Դոնալդ Թրամփի «One Big Beautiful Bill» անվամբ ներկայացված խոշոր հարկային և բյուջետային օրենսգիրքը։ Օրենքը ներառում է $4.5 տրիլիոն հարկային նվազեցումներ՝ հիմնականում խոշոր եկամուտ ունեցող քաղաքացիների համար, սոցիալական ծրագրերի լայնածավալ կրճատումներ՝ այդ թվում Medicaid և SNAP, ինչպես նաև ռազմական և սահմանային ծախսերի մեծացում։

Օրինագծով Medicaid-ից մինչև 17 միլիոն մարդ կարող է դուրս մնալ, իսկ սննդի աջակցություն ստացող 4.7 միլիոն մարդու օգնությունը՝ դադարել։ Միաժամանակ նախատեսվում է $350 միլիարդ հատկացում՝ սահմանային պատի կառուցման, միգրացիոն ճամբարների և զանգվածային արտաքսումների համար։ Մինչդեռ մաքուր էներգիայի խթանիչ ծրագրերը կրճատվել են՝ օգուտ տալով ածուխի և նավթի արդյունաբերությանը։

Ըստ անկախ վերլուծաբանների՝ նոր օրենքը կբարձրացնի ԱՄՆ-ի ընդհանուր պետական պարտքը ևս $5 տրիլիոնով՝ հասցնելով այն պատմական բարձր մակարդակի։ Չնայած Սպիտակ տան պնդումներին, թե օրենքը կխթանի տնտեսական աճը, Moody’s-ը արդեն սկսել է ԱՄՆ վարկային վարկանիշի վերանայում՝ աճող դեֆիցիտի պատճառով, գրում է  Al-Jazeera-ն։