Ռուսաստանը ճանաչեց Թալիբանին. ո՞վ կլինի հաջորդը
Քաղաքական
Ռուսաստանը դարձավ առաջին երկիրը, որը պաշտոնապես ճանաչեց Աֆղանստանի թալիբանական կառավարությանը՝ 2021-ից հետո։ Մոսկվան այս քայլը ներկայացրել է որպես «պրագմատիկ որոշում»՝ երկու երկրների միջև համագործակցության խթանման նպատակով։ Թալիբանի արտգործնախարարը հայտարարել է, որ սա «խիզախ քայլ է», որը պետք է օրինակ ծառայի մյուսներին, հայտնում է Al-Jazeera-ն։
Թեև միջազգային հանրությունը դեռ պաշտոնապես չի ճանաչում Թալիբանին, մի շարք պետություններ արդեն ակտիվ երկխոսության մեջ են խմբի հետ։ Չինաստանը վերջին տարիներին ներդրումներ է արել Աֆղանստանում, Իրանը և Հնդկաստանն էլ շարունակում են փակ բանակցությունները։ Նույնիսկ Պակիստանը՝ նախկին դաշնակիցը, այժմ լարված հարաբերությունների մեջ է Թալիբանի հետ, սակայն ստիպված պահպանում է կապը։
Փորձագետների գնահատմամբ՝ Մոսկվայի քայլը կարող է օրինակ դառնալ Կենտրոնական Ասիայի որոշ երկրների համար, մինչ Չինաստանն էլ շարունակում է խորացնել տնտեսական կապերը՝ առանց պաշտոնական ճանաչման։ Թալիբանի համար միջազգային լեգիտիմության ձեռքբերումը շարունակում է մնալ ռազմավարական նպատակ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
