Ավելի քան 600 պաղեստինցի զոհվել է օգնության կետերում՝ Իսրայելի և ԱՄՆ-ի աջակցությամբ գործող ծրագրի շրջանակում

ՄԱԿ-ի մարդու իրավունքների գրասենյակը հայտնել է, որ առնվազն 613 պաղեստինցի զոհվել է Գազայի օգնության կենտրոնների տարածքում կամ մարդասիրական շարասյունների մոտ՝ հիմնականում Գազայի Մարդասիրական Հիմնադրամի (GHF) գործունեության շրջանակում։ Կազմակերպությունն ընդգծում է, որ դեպքերը շարունակվել են նաև հունիսի 27-ից հետո։

ՄԱԿ-ը, ինչպես նաև մի շարք ՀԿ-ներ, մեղադրում են GHF-ին՝ անկանոն և ոչ չեզոք աշխատանք իրականացնելու համար, ինչը հանգեցրել է զանգվածային զոհերի։ Բժշկական աղբյուրները հայտնում են, որ շատ պաղեստինցիներ սպանվել են դիպուկահարների, դրոնների և օդային հարվածների միջոցով՝ երբ փորձում էին մուտք գործել սննդի բաշխման կետեր։

ՄԱԿ-ի գնահատմամբ՝ Գազայում գործող 36 հիվանդանոցներից միայն 16-ն են մասամբ աշխատում, իսկ բժշկական համակարգը, ըստ Առողջապահության համաշխարհային կազմակերպության, «համակարգված կերպով ոչնչացվում է»։ Ըստ Գազայի առողջապահության նախարարության՝ պատերազմն արդեն խլել է ավելի քան 57,000 պաղեստինցու կյանք, հայտնում է Al-Jazeera-ն։