Եվգենի Պետրոսյանին և Ելենա Ստեպանենկոյին դատի են տվել

Ռուսաստանի արդարադատության նախարարությանը կից դատաբժշկական փորձաքննությունների դաշնային կենտրոնը դատական հայց է ներկայացրել կատակերգուներ Եվգենի Պետրոսյանի և Ելենա Ստեպանենկոյի դեմ։ Այս մասին հայտնել է StarHit հրատարակությունը։

Հայցի համաձայն՝ նախկին ամուսինները չեն վճարել գույքի գնահատման համար, որի ցուցակը զբաղեցնում է մոտ հազար էջ։ Այժմ դատաբժշկական կենտրոնը ցանկանում է Պետրոսյանից և Ստեպանենկոյից գանձել 500 հազար ռուբլի։ Գործի վերաբերյալ առաջին դատական նիստը նշանակված է հուլիսի 29-ին։ 

Պետրոսյանը և Ստեպանենկոն ամուսնալուծության գործընթաց են սկսել 2018 թվականի ամռանը։ Նույն թվականին Ստեպանենկոն դիմել է դատարան՝ գույքը բաժանելու համար, որից հետո Պետրոսյանը հակընդդեմ հայց է ներկայացրել։ 2018 թվականի նոյեմբերին ամուսնությունը լուծարվել է, որից հետո Եվգենի Պետրոսյանն ամուսնացել է Տատյանա Բրուխունովայի հետ։ Նրանք ունեն երկու երեխա։