Հասել ենք կարեւոր հանգրվանի Հայաստան–Ադրբեջան հարաբերություններում. Փաշինյան

«Այսօր հասել ենք կարեւոր հանգրվանի Հայաստան–Ադրբեջան հարաբերություններում։ Մենք անցյալում ունեցած պատմությունից ավելի լավ պատմություն ունենալու հիմքեր ենք դնում»։ Այս մասին ԱՄՆ նախագահ Դոնալդ Թրամփի եւ Ադրբեջանի նախագահ Իլհամ Ալիեւի հետ եռակողմ հանդիպմանը հայտարարել է Հայաստանի վարչապետ Նիկոլ Փաշինյանը։

«Այս բեկումնային առաջընթացը հնարավոր չէր լինի առանց նախագահ Թրամփի անձանական ներգրավվածության եւ մեր տարածաշրջանում խաղաղության նկատմամբ նրա վճռական հանձնառության։ Խաղաղության համաձայնագրի նախաստորագրումը ճանապարհ կհարթի մեր երկրների միջեւ տասնամյակներ տեւած հակամարտությանը վերջ դնելու համար եւ կբացի նոր դարաշրջան հիմնված միամյանց ինքնիշխանության եւ տարածքային ամբողջականության նկատմամբ լիակատար հարգանքի վրա։ Այսօրվա հռչակագրերը, որոնք անձամբ կստորագրի նաեւ նախագահ Դոնալդ Թրամփը եւ ստորագրման արարողությանն անձամբ ներկա կլինի, վստահություն եւ երաշխիք է տալիս առ այն, որ մենք Հարավային կովկասում բացում ենք խաղաղության, բարգավաճման, անվտանգության եւ տնտեսական համագործակցության էջը»,– նշեց Նիկոլ Փաշինյանը։ 

news.am