Արևմուտքում խուճապ. Ֆրանսիացի քաղաքական գործիչը արձագանքել է Պուտին-Թրամփ հանդիպման լուրին

Ֆրանսիական «Պատրիոտներ» կուսակցության առաջնորդ Ֆլորիան Ֆիլիպպոն հայտարարել է, որ Արևմուտքում լիակատար խուճապ է առաջացել Ռուսաստանի և ԱՄՆ նախագահներ Վլադիմիր Պուտինի ու Դոնալդ Թրամփի առաջիկա հանդիպման հայտարարությունից։ Քաղաքական գործիչը X սոցիալական ցանցում գրել է, որ «պատերազմի դահիճներն ու նեոկոնսերվատորները» շփոթված են այս լուրից։

Ֆիլիպպոն կոչ է արել դադարեցնել Ուկրաինային զինվորական օգնության մատակարարումները և միանալ խաղաղության հաստատման նախաձեռնություններին։ Նրա խոսքով՝ սա պատմական հնարավորություն է դիվանագիտական լուծման համար։

Պուտինն ու Թրամփը որոշել են հանդիպել օգոստոսի 15-ին ԱՄՆ Ալյասկա նահանգում։ Հանդիպման մասին հայտնի դարձավ օգոստոսի 9-ի գիշերը, իսկ ժամկետն ու վայրը, ըստ աղբյուրների, համաձայնեցվել են երկու կողմերի կողմից։