ԱՄՆ ներկայիս խնդիրների հիմնական պատճառը անօրինական ներգաղթյալների հոսքն է. փոխնախագահ Ջեյ Դի Վենս

ԱՄՆ անօրինական ներգաղթյալների զանգվածային հոսքը դարձել է երկրի ներկայիս խնդիրների հիմնական պատճառներից մեկը։ Այս մասին հայտարարել է ԱՄՆ փոխնախագահ Ջեյ Դի Վենսը Fox News-ին տված հարցազրույցում։

«Կարծում եմ՝ շատ դժվար է զգալ միասնական երկրի մաս, երբ կառավարությունը տասնյակ միլիոնավոր չհրավիրված մարդկանց է բերում։ Դա նաև բացասաբար է անդրադառնում բանվոր դասակարգի աշխատավարձի վրա։ Եվ երրորդ՝ անօրինական միգրացիան հանգեցնում է հանցագործության և թմրանյութերի աճի», - պնդում է փոխնախագահը։

Նրա խոսքով՝ նմանատիպ խնդիր գոյություն ունի նաև Եվրոպայում, որը ազդում է Միացյալ Նահանգների վրա, և հակառակը։ Վենսը կարծում է, որ եվրոպական երկրներում «առաջնորդները նախընտրում են գրաքննել իրենց քաղաքացիներին, քան քննարկել գաղափարները»։