Երևանի պարեկները հայտնաբերել են հերթական ապօրինի հրազենը

Պարեկային ծառայության Երևան քաղաքի գնդի 4-րդ գումարտակի պարեկներն ապօրինի զենք-զինամթերք կրելու կասկածանքով, մայրաքաղաքի Հանրապետության հրապարակում ձերբակալել և Համայնքային ոստիկանության Կենտրոնական բաժին են տեղափոխել 37-ամյա և 30-ամյա երկու տղամարդու՝ վերջինիս վարած «Ռենջ Ռովեր» մեքենայով հանդերձ, որի տեսանելի հատվածում գտնվող պայուսակում նկատվել է «Մակարով» ատրճանակ։

Մեքենան տեղափոխվել է պահպանվող հատուկ տարածք:

Տղամարդիկ և կազմված փաստաթղթերը ներկայացվել են նախաքննական մարմին։