Սրբապղծություն՝ Արարատի մարզում. կոտրել են 4-օրական երեխայի շիրմաքարը

Երեկ՝ օգոստոսի 30-ին, հերթական սրբապղծության դեպքն է տեղի ունեցել Արարատի մարզում։ Գետառատ բնակավայրի բնակիչները, այցելելով գյուղի գերեզմանատուն, հայտնաբերել են, որ հերթական անգամ սրբապղծություն են իրականացրել այս տարի մահացած 4-օրական աղջնակի շիրիմի նկատմամբ, հայտնում է Shamshyan.com-ը։

 

«4-օրյա աղջկան հուղարկավորել ենք էստեղ ու պատրաստվում էինք նաև քար դնեինք, բայց հունիսին հերթական անգամ այցելեցինք շիրիմին ու տեսանք, որ երեխայի անունով հուշատախտակը չկա, ման եկանք ու հայտնաբերեցինք մի քանի գերեզման այն կողմ՝ ջարդած։

 

Մտածեցինք՝ աղմուկ չբարձրացնենք, երևի ինչ-որ մեկը հիմարություն է արել ու նոր հուշատախտակ պատվիրեցինք, տեղադրեցինք, հինն էլ թողեցինք գերեզմանի մոտ։ Երեկ եկանք երեխայի շիրիմին ու մնացինք ապշած, քանի որ այն կոտրել էին, ինչը արդեն մեզ մոտ լուրջ կասկած է հարուցել, որ միտումնավոր են անում»,– պատմել են հարազատները։