Որոշում է կայացվել փակել ԵԱՀԿ Մինսկի գործընթացը և համապատասխան կառույցները

Սեպտեմբերի 1-ին ԵԱՀԿ նախարարների խորհուրդը որոշում է կայացրել փակել Մինսկի գործընթացը և դրան առնչվող ԵԱՀԿ կառույցները։ Այս մասին ասվում է Ադրբեջանի արտաքին գործերի նախարարության հայտարարության մեջ։

ԵԱՀԿ քարտուղարությանը հանձնարարվել է ավարտել այդ կառույցների փակման հետ կապված բոլոր կազմակերպչական և տեխնիկական հարցերը ոչ ուշ, քան 2025 թվականի դեկտեմբերի 1-ը։

Որոշմամբ նաև անվավեր են ճանաչվում ԵԱՀԿ շրջանակներում հայ-ադրբեջանական հակամարտությանը վերաբերող նախկինում ընդունված բոլոր փաստաթղթերը։

Այսպիսով, հայ-ադրբեջանական հակամարտության կարգավորման նպատակով նախկինում ստեղծված բոլոր ինստիտուտները ճանաչվում են որպես ոչ արդիական՝ հակամարտության կարգավորումից հետո ստեղծված նոր իրավիճակի պատճառով, և դրանք փակելու որոշումն ընդունվել է ԵԱՀԿ բոլոր մասնակից պետությունների կողմից, և ինստիտուտները պաշտոնապես փակվել են։

Հիշեցնենք, որ կառույցը լուծարելու առաջարկով հանդես են եկել ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը: