Հարավային Կովկասում ԵՄ հատուկ ներկայացուցիչն ամփոփում է իր այցը Հայաստան

Հարավային Կովկասում և Վրաստանի ճգնաժամում ԵՄ հատուկ ներկայացուցիչ Մագդալենա Գրոնոն սոցիալական ցանցերում ամփոփել է իր այցը Հայաստան։

«Իմ տարածաշրջանային այցի շրջանակում ես նաև անկեղծորեն շնորհակալություն եմ հայտնում իմ հայ գործընկերներին վերջին օրերին Հայաստանում ունեցած կարևոր և իմաստալից մտքերի փոխանակման համար։ Երևանում ես հանդիպեցի փոխվարչապետ Մ. Գրիգորյանի, Անվտանգության խորհրդի քարտուղար Ա. Գրիգորյանի և հիմնական հաստատությունների այլ բարձրաստիճան պաշտոնյաների հետ։ Մեր մտքերի փոխանակումները կենտրոնացած էին հայ-ադրբեջանական խաղաղության գործընթացի վրա՝ շեշտը դնելով կապի, հնարավոր ապագա միջսահմանային համագործակցության և ի շահ խաղաղության՝ տարածաշրջանի բացության, ինչպես նաև հաշտեցման ջանքերի վրա՝ ըստ Վաշինգտոնում պատմական համաձայնագրերի»,- նշել է Գրոնոն։

Ըստ նրա՝ միաժամանակ տեղի է ունեցել տեղեկատվական առումով բավականին հագեցած այց Տավուշի մարզ, որը նվիրված էր անվտանգության և մարդասիրական հարցերին։

«Եվրոպական Միությունը, որպես մերձավոր գործընկեր, կշարունակի աջակցել Հայաստանին և Ադրբեջանին և ապահովել լիարժեք խաղաղության հասնելուն ուղղված կոնկրետ քայլերի և միջոցառումների իրականացումը»,- եզրափակել է Հարավային Կովկասում ԵՄ հատուկ ներկայացուցիչը։