Վաղը կքննվի 18-ամյա Անդրանիկ Չամիչյանի կալանքի հարցը
Հասարակություն
Սեպտեմբերի 5-ին, ժամը՝ 17։00-ից Երևան քաղաքի առաջին ատյանի ընդհանուր իրավասության քրեական դատարանի Աջափնյակի նստավայրում կքննվի 18-ամյա Անդրանիկ Չամիչյանի կալանքի հարցը։ Այդ մասին տեղեկանում ենք Հայ հեղափոխական դաշնակցություն կուսակցությունից։
«Դատական նիստին ընդառաջ մեկ անգամ ևս հորդորում ենք գործել օրենքի և արդարության սահմաններում, չկատարե՛լ քաղաքական պատվերներ՝ ծաղրի առարկա դարձնելով դատական համակարգը»,- նշվում է հաղորդագրության մեջ։
Հիշեցնենք՝ «Սթրայքբոլի գործով» կալանավորված 18-ամյա տղային իրավապահները մեղադրում են ահաբեկչության նախապատրաստման մեջ։Նշենք՝ ավելի վաղ խուզարկություններ էին իրականացվել ՀՅԴ անդամների բնակարաններում, այդ թվում՝ ԱԺ պատգամավոր Գեղամ Մանուկյանի, ՀՅԴ Հայաստանի Գերագույն մարմնի աշխատակազմի ղեկավար Վահագն Մաթինյանի, «Եղվարդ» խոշորացված համայնքի ավագանու անդամ, ՀՅԴ Հայաստանի Երիտասարդական միության Կենտրոնական վարչության նախագահ Գևորգ Մուրադյանի տներում։
Ձերբակալվել էր յոթ անձ, այդ թվում՝ Գեղամ Մանուկյանի որդին՝ Տարոն Մանուկյանը, ՀՅԴ Երևանի Քաղաքային կոմիտեի անդամ Արսեն Մարտոյանը։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
