Վլադիմիր Պուտինի ուղերձը՝ ՌՀՄ 25-ամյակի միջոցառման մասնակիցներին

Ռուսաստանի նախագահը շնորհավորել է «Ռուսաստանի հայերի միության» (ՌՀՄ) 25-ամյակին նվիրված հանդիսավոր միջոցառումների մասնակիցներին ու հյուրերին և նշել, որ ՌՀՄ-ն հետևողական աշխատանք է տանում ազգամիջյան հարաբերությունների ներդաշնակեցման և հայկական սփյուռքին ռուսաստանյան հասարակությանն ինտեգրելու ուղղությամբ։ Համապատասխան ուղերձը հրապարակվել է Կրեմլի կայքում։

«Հարգելի բարեկամներ

Շնորհավորում եմ ձեզ նշանավոր իրադարձության՝ «Ռուսաստանի հայերի միություն» համառուսաստանյան հասարակական կազմակերպության ստեղծման 25-ամյակի առթիվ:

Այս տարիներին Ռուսաստանի հայերի միությունն ամբողջ երկրում միավորել է հայկական համայնքները՝ բազմակողմանի, պահանջարկված գործունեությամբ, պետական իշխանության հետ արդյունավետ երկխոսությամբ զգալիորեն ամրապնդելով իր հեղինակությունը:

Ուրախալի է, որ դուք իրականացնում եք ազգամիջյան հարաբերությունների ներդաշնակությանը, ռուսաստանյան հասարակության մեջ հայ համայնքի ինտեգրմանը ուղղված հետևողական աշխատանք: Մեծապես ձեր կազմակերպության ջանքերով են իրականանում բովանդակալից մշակութային, լուսավորչական ծրագրեր, կյանքի են կոչվում երիտասարդական քաղաքականության, աճող սերնդի հայրենասիրական դաստիարակության ոլորտների ծրագրեր: Իհարկե, կարող եմ հատուկ նշել այն օժանդակությունը, որ ցուցաբերում է Ռուսաստանի հայերի միությունը հատուկ ռազմական օպերացիայի մասնակիցներին և վետերաններին, նրանց ընտանիքներին և մերձավորներին:

Վստահ եմ, որ այս տոնական միջոցառումը կանցնի պատշաճ մակարդակով՝ նոր մեկնարկ տալով հետագա հեռանկարային գաղափարներին և մտահաղացումներին:

Ձեզ հաջողություններ եմ մաղթում:

Վլադիմիր Պուտին»: