Լավրովը կասկածի տակ է դրել Վաշինգտոնի միջնորդությամբ կնքված խաղաղության պայմանագիրը

ՌԴ Արտգործնախարար Սերգեյ Լավրովը կասկածամիտ գնահատական է տվել Վաշինգտոնում ստորագրված Հայաստանի և Ադրբեջանի խաղաղության համաձայնագրին։ ՏԱՍՍ-ի հաղորդմամբ՝ նա ընդգծել է, որ փաստաթղթում դեռ բազմաթիվ չկարգավորված հարցեր են մնում, և առաջին օրերի հնչած ոգևորությունը փոխարինվել է ավելի սառը գնահատականներով։

Լավրովը նշել է, որ բանակցությունների ընթացքում ձեռք բերված առաջընթացը մեծապես կապված է եղել Ռուսաստանի դիվանագիտական ջանքերի հետ։ Նրա խոսքով՝ առանց Մոսկվայի մասնակցության դժվար կլիներ հասնել անգամ այս փուլին։

Նախարարը անդրադարձել է նաև Արևմուտքի՝ ռուսական էներգակիրներից հրաժարվելու կոչերին՝ դրանք որակելով վնասակար գործընկեր երկրների տնտեսությունների համար։ Նա շեշտել է, որ նման քայլերը քաղաքական ճնշման միջոց են, որոնք լուրջ տնտեսական հետևանքներ կարող են ունենալ։