Թրամփը խոստացել է վերահսկել Ուկրաինացի փախստականի աղմկահարույց սպանության գործը

ԱՄՆ նախագահ Դոնալդ Թրամփը հայտարարել է, որ անձամբ կհետևի 23-ամյա ուկրաինացի փախստական Իրինա Զարուցկայայի սպանության գործի քննությանը։ Աղջկան դանակահարել էին սեպտեմբերի 6-ին Հյուսիսային Կարոլինայի Շարլոթ քաղաքում՝ մետրոյի վագոնում։ Թրամփը Fox News-ի եթերում ընդգծել է, որ տեսանյութն արդեն դիտել է և մանրամասներին ծանոթ կլինի «մինչև վաղվա առավոտ»։

Կասկածյալը՝ 34-ամյա Դեկարլոս Բրաուն-կրտսերը, նախկինում բազմիցս դատապարտված է եղել գողությունների, ավազակության և զենքի ապօրինի պահման համար։ Նրան ձերբակալել են դեպքի վայրում՝ հանցագործությունից անմիջապես հետո։

Տեսանկարահանված կադրերում երևում է, թե ինչպես Զարուցկայան նստում է վագոնում, իսկ մի քանի րոպե անց տղամարդը հանում է դանակն ու հարձակվում նրա վրա։ Դեպքը մեծ արձագանք է ստացել ինչպես ԱՄՆ-ում, այնպես էլ Ուկրաինայում։