Գիտնականները գտել են ուղին՝ դանդաղեցնելու ամենաագրեսիվ ուղեղի ուռուցքի աճը

Nature-ում հրապարակված հետազոտությունը ցույց է տվել, որ գլիոբլաստոման՝ ուղեղի ամենաագրեսիվ ուռուցքներից մեկը, յուրովի է օգտագործում գլյուկոզան՝ այն վերածելով ԴՆԹ-ի և ՌՆԹ-ի կառուցման բլոկների։ Սա ուռուցքին հնարավորություն է տալիս արագ բաժանվել և տարածվել՝ շրջանցելով առողջ բջիջներում գործող սովորական էներգետիկ ու նյարդահաղորդիչների արտադրության մեխանիզմները։

Փորձերը, որոնք կատարվել են մկների և հիվանդների մասնակցությամբ, ցույց են տվել, որ ուռուցքը լրացուցիչ ռեսուրսներ է ստանում ամինաթթուներից՝ հատկապես սերինից։ Երբ մկների սննդակարգից հանվել են սերինն ու գլիցինը, ուռուցքի աճը դանդաղել է, իսկ քիմիաթերապիան ու ճառագայթային բուժումը դարձել են ավելի արդյունավետ։

Թեև տվյալները դեռ նախակլինիկական են, գիտնականները նշում են, որ այս մոտեցումը կարող է հիմք դառնալ նոր դիետիկ և թիրախային թերապիաների մշակման համար։ Հետազոտողները նաև ուսումնասիրում են այլ հակաուռուցքային միացություններ, որոնք խթանում են իմունային համակարգի հակազդեցությունը և մեծացնում ուռուցքի խոցելիությունը։