Սպիտակում ճակատ ճակատի բախվել են «Opel Astra»-ն ու «Opel Zafira»-ն. կան վիրավորներ
Արտակարգ Պատահար
Այսօր՝ սեպտեմբերի 8-ին, ավտովթար է տեղի ունեցել Լոռու մարզում։ Ժամը 12:15-ի սահմաններում Երևան - Վանաձոր ավտոճանապարհի Սպիտակ քաղաքի Սուրեն Ավետիսյան փողոցում ճակատ ճակատի բախվել են «Opel Astra» և «Opel Zafira» մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 5 հոգի տարբեր աստիճանի մարմնական վնասվածքներով տեղափոխվել են «Սպիտակ» բժշկական կենտրոն։
Վիրավորներին առաջինն օգնության են հասել վթարի հարևանությամբ գործող մարկետի աշխատակիցները, քաղաքացիները և օպերատիվորեն ժամանած «Սպիտակ» բժշկական կենտրոնի շտապօգնության բժիշկների հերթապահ խմբերը։
Բժիշկները վիրավորներին մինչև հիվանդանոց տեղափոխելը տեղում առաջին բուժօգնություն են ցուցաբերել։
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
