ԱՄՆ Պետդեպարտամենտը հաստատել է Ֆինլանդիային «օդ-օդ» դասի հրթիռներ վաճառելու գործարքը

ԱՄՆ Պետդեպարտամենտը հաստատել է Ֆինլանդիային 405 AIM-120D-3 միջին հեռահարության օդ-օդ դասի հրթիռների և դրանց հետ կապված սարքավորումների հնարավոր վաճառքը՝ ընդհանուր առմամբ 1,07 միլիարդ դոլարով: Այս մասին հայտնել է Պենտագոնի կազմում գտնվող Պաշտպանական անվտանգության համագործակցության գործակալությունը (DSCA), հաղորդում է ՏԱՍՍ-ը։

Հայտարարության մեջ նշվում է, որ մատակարարումը համապատասխանում է ԱՄՆ արտաքին քաղաքականության և ազգային անվտանգության շահերին, քանի որ այն ուղղված է ՆԱՏՕ-ի դաշնակցի պաշտպանական կարողությունների ամրապնդմանը: DSCA-ի տվյալներով՝ գործարքը կընդլայնի Ֆինլանդիայի կարողությունները՝ արձագանքելու ներկա և ապագա սպառնալիքներին։

ԱՄՆ վարչակազմը տեղեկացրել է Կոնգրեսին ռազմական պայմանագիր կնքելու իր ծրագրերի մասին:

Կոնգրեսականներն ունեն 30 օր՝ այն վերանայելու և հնարավոր է՝ արգելափակելու համար։