Աշխարհում նվազել է գինու սպառումը․ շուկան կորցրել է մոտ 10 միլիարդ դոլար

2024 թվականի վերջում համաշխարհային գինու սպառման շուկան կրճատվել է գրեթե 10 միլիարդ դոլարով։ Իտալական Winenews պորտալի փոխանցմամբ՝ ըստ Statista-ի տվյալների, ընդհանուր ծավալը կազմել է 332,9 միլիարդ դոլար։ Շուկայում գերակշռում է տնային սպառումը՝ 18,4 միլիարդ լիտր, ինչը կազմում է մոտ 78 տոկոս, սակայն ֆինանսական առումով այն ապահովում է եկամտի միայն 53 տոկոսը։

Այդուհանդերձ, գինու սպառումը ռեստորաններում, բարերում և կaféներում զգալիորեն ավելի շահութաբեր է․ յուրաքանչյուր լիտր, որ խմվում է տանը, շուկային բերում է մոտ 9,8 դոլար, մինչդեռ հասարակական վայրերում՝ 29 դոլար։ Այս տարբերությունը թույլ է տալիս HoReCa ոլորտին ապահովել համաշխարհային շրջանառության 47 տոկոսը՝ ընդամենը 5,2 միլիարդ լիտր սպառման հաշվին։

Մասնագետները կանխատեսում են, որ շուկան շուտով կվերադառնա աճին։ Ըստ հաշվարկների՝ արդեն 2025-ին գինու համաշխարհային շրջանառությունը կհասնի 336,6 միլիարդ դոլարի, իսկ մինչև 2030 թվականը այն կավելանա ևս 33,9 միլիարդով։ Ռուսաստանում էլ սպասվում է գինու արտադրության առնվազն 10 տոկոս աճ՝ պայմանավորված բարենպաստ եղանակային պայմաններով և նոր տնկված խաղողի այգիների առաջին բերքով։