Մթերքներ, որոնք կարող են փոխել ատամների գույնը

Սև թեյը և կարմիր գինին կարող են փոխել ատամի էմալի գույնը: Ստոմատոլոգ Իրինա Նազիլինան ՌԻԱ Նովոստիին տված հարցազրույցում զգուշացրել է ատամների վրա ազդող մթերքների մասին։

«Այն ուտեստները, որոնք ներկանյութեր են պարունակում, կարող են փոխել էմալի գույնը: Հատկապես վնասակար են այնպիսի ըմպելիքները, ինչպիսիք են սև սուրճը, թեյը և կոկա-կոլան: Կարիի և քրքումի նման համեմունքները նույնպես կարող են փոխել էմալի գույնը», - ասել է նա։

Բժիշկը նաև խորհուրդ է տվել խմել կիտրոնով թեյ կամ ջուր՝ ատամների բնական գույնը պահպանելու համար: