Լավրովը մեղադրեց Լեհաստանին՝ Պուտինի ինքնաթիռը զավթելու պատրաստակամության և «ահաբեկչական տրամադրությունների» մեջ

Լեհաստանի արտգործնախարար Ռադոսլավ Սիկորսկին հայտարարել է, որ իր երկիրը չի կարող երաշխավորել, որ Ռուսաստանի նախագահ Վլադիմիր Պուտինի ինքնաթիռը հարկադիր վայրէջքի չի ենթարկվի, եթե այն անցնի Լեհաստանի օդային տարածքով։ Նա հիշեցրել է, որ Լեհաստանը հարգում է Միջազգային քրեական դատարանի որոշումները, ուստի չի բացառվում, որ դատարանը կարող է հրամայել ինքնաթիռը կանգնեցնել և ձերբակալել նրա ուղևորին։

ՌԴ արտգործնախարար Սերգեյ Լավրովը Սիկորսկու հայտարարությունը որակել է որպես «ահաբեկչական պատրաստակամության ցուցիչ»՝ ընդգծելով, որ նման սպառնալիքները վտանգավոր նախադեպ են ստեղծում։ «Պոլյակներն այժմ պատրաստ են նույնիսկ ահաբեկչական գործողությունների։ Սա շատ խոսուն օրինակ է», — ասել է Լավրովը՝ հիշեցնելով նաև Լեհաստանի վերաբերմունքը «Հյուսիսային հոսքերի» պայթեցման գործի նկատմամբ։

Միաժամանակ Պետդումայի արտաքին գործերի հանձնաժողովի փոխնախագահ Ալեքսեյ Չեպան հայտարարել է, որ Եվրոպայի երկրները փորձում են խափանել Պուտին-Թրամփ հանդիպումը, որը նախնական տվյալներով կարող է կայանալ Բուդապեշտում։ Ռազմական փորձագետ Յուրի Կնուտովն էլ նշել է, որ ամենաանվտանգ երթուղին դեպի Հունգարիա կարող է անցնել Կասպից ծովով, այնուհետև՝ Թուրքիայի, Սերբիայի և Սլովենիայի տարածքով՝ շրջանցելով Լեհաստանն ու Բալթյան երկրները, հայտնում է Lenta.ru-ն։