Փաշինյանն աջակցություն է հայտնել կարգալույծ հռչակված Տեր Արամին (տեսանյութ)
ՔաղաքականՎարչապետ Նիկոլ Փաշինյանն աջակցություն է հայտնել Տ․ Արամ քահանա Ասատրյանին, ով կարգալույծ է հռչակվել ու դասվել աշխարհականների շարքին։
«Կիրակի օրը Հովհաննավանքում մասնակցելու եմ Տեր Արամ քահանա Ասատրյանի մատուցած Սուրբ եւ Անմահ Պատարագին»,– Ֆեյսբուքում հրապարակված տեսանյութում ասել է Փաշինյանը։
Հիշեցնենք որ հոկտեմբերի 21-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի Հայրապետական տնօրինությամբ կարգալույծ է հռչակվել Տ․ Արամ քահանա Ասատրյանը:
Ավելի ուշ Տ․ Արամ քահանա Ասատրյանը հայտարարեց, որ չի պատրաստվում լքել Հովհաննավանքը, ավելին՝ բոլորին կիրակի օրը հրավիրում է պատարագի։
«Սիրելի՛ հավատացյալ քույրեր և եղբայրներ, կիրակի օրը հրավիրում եմ բոլորիդ Սուրբ Հովհաննավանք` մասնակցելու Սուրբ և Անմահ Պատարագին։ Սուրբ Պատարագը կմատուցեմ ես` Ձեր Տեր Արամ քահանան»,– Ֆեյսբուքի իր էջում գրել էր նա։
Կարգալույծ հռչակված Տեր Արամը նաև լրագրողների հետ զրույցում հայտարարել է, որ սատարում է Նիկոլ Փաշինյանի՝ Էջմիածնում «հոգևոր հավաք» իրականացնելու և Վեհարանն «ազատագրելու» որոշմանը։
«Եթե այսօր մինչև երեկո իրենք այն, ինչ գրել և ստորագրել են, չփոխեն, սատարելու եմ։ Եվ արդեն պարզ է դառնում, որ ՀՀ վարչապետն ինչ ասում է՝ ճիշտ է ասում։ Իսկ ես ճշմարտության կողքին եմ լինելու։ Այո՛, սատարելու եմ ՀՀ վարչապետին»,– ասել է նա։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
