19-ամյա վարորդը ներկայացրել է օտարերկրյա վարորդական իրավունքի կեղծ վկայական․ բացահայտում

Պարեկային ծառայության Երևան քաղաքի գնդի 4-րդ գումարտակի ծառայողները հոկտեմբերի 20-ի գիշերը՝ ժամը 3․15-ին, Բաբայան փողոցում ծառայություն իրականացնելիս ստուգման նպատակով կանգնեցրել են «Լադա» մակնիշի մի մեքենա։ 19-ամյա վարորդը ներկայացրել է օտարերկրյա վարորդական իրավունքի կեղծ վկայական։

Նա ձերբակալվել և տեղափոխվել է Համայնքային ոստիկանության Քանաքեռ-Զեյթունի բաժին։

Երիտասարդը և կազմված փաստաթղթերը ներկայացվել են նախաքննական մարմին։