«Ռեալի» խաղացողը վնասվածք է ստացել

Մադրիդի «Ռեալի» 18-ամյա արգենտինացի կիսապաշտպան Ֆրանկո Մաստանտուոնոն աճուկային վնասվածք է ստացել, հաղորդում է ակումբի կայքը։

«Բուժզննումից հետո Մաստանտուոնոյի մոտ ախտորոշվել է պուբալգիա։ Նա կլինի բժշկական վերահսկողության տակ»,- նշվում է Արքայական ակումբի հաղորդագրությունում։

Մաստանտուոնոն 2025թ․ օգոստոսից է հանդես գալիս «Ռեալում», որը նրա տրանսֆերի համար արգենտինական «Ռիվեր Փլեյթին» վճարել է 45 միլիոն եվրո։

Մաստանտուոնոն «Ռեալում» մասնակցել է 12 հանդիպման, խփել է 1 գոլ, կատարել 1 գոլային փոխանցում։