Ուկրաինային օգնության հակառակորդները կոալիցիա են կազմել Չեխիայում

Չեխիայի ընտրություններում հաղթած նախկին վարչապետ Անդրեյ Բաբիշի կուսակցությունը կոալիցիա է կազմել։ Այս մասին քաղաքական գործիչը հայտնել է X սոցիալական ցանցում:

Երեք աջ կուսակցությունների առաջնորդները կոալիցիոն համաձայնագիր են ստորագրել, իսկ Բաբիշն ինքը պետք է ղեկավարի կառավարությունը։ Նրա կուսակցության հետ կոալիցիա են կազմել «Ազատություն և ուղիղ ժողովրդավարություն» և «Ավտովարորդներ» կուսակցությունները:

Բոլոր երեք կուսակցությունները քննադատել են Ուկրաինայի աջակցությունը։ Ներկայիս կառավարությունը կազմող արևմտամետ կուսակցությունները ընտրությունների արդյունքում կորցրել են մեծամասնությունը։