Ուզում եմ գնահատանքի խոսքեր ասել Ադրբեջանի նախագահի հասցեին. Փաշինյան

Ի հեճուկս բոլոր նեգատիվ մեկնաբանությունների ու ընկալումների՝ ուզում եմ գնահատանքի խոսքեր ասել Ադրբեջանի նախագահի հասցեին, այս մասին այսօր հայտարարեց վարչապետ Նիկոլ Փաշինյանը։

Շնորհակալությունը նրա համար էր, որ Ադրբեջանը վերացնում է իր տարածքով դեպի Հայաստան բեռների տարանցման սահմանափակումները։ 

«Այդ որոշումը նախապես այդ ծավալով քննարկված չի եղել, մենք գիտեինք, որ կա ըմբռնում՝ մի գնացք կգա, ընկալումը եղել է մեկ գնացքի մասին ու այն հայտարարությունը, որ հնչեց Ադրբեջանի նախագահի կողմից, անսպասելի էր մեզ համար»,- ասաց նա։

Փաշինյանը կարծում, թե սա այն դեպքերից էր, երբ Ադրբեջանից հնչում է անսպասելի, բայց շատ դրական հայտարարություն։ Սա, ըստ նրա, նշանակում է, որ բալանսի փոփոխության շատ էական հնարավորություններ կան։