«Կարծում եմ, որ Սարգսյանը գնալու է արտահերթ ընտրությունների». Արամ Կարապետյան

«Մեկ ամիս առաջ ես ասացի, որ կոալիցիան չի փլուզվի, Քոչարյանն էլ հետ չի գա»,–այսօր մամլո ասուլիսի ժամանակ ասաց Նոր ժամանակներ կուսակցության նախագահ Արամ Կարապետյանը։

Նա կարծում է, որ հատաքրքիր բաներ են տեղի ունենում։ Ասում են, որ Ալիկ Սարգսյանից բոլորը գոհ են, բայց նրան ազատում են աշխատանքից։

«Տաշտակը բերում են մեջտեղ, հետո գնում են Եվրոպա, ասում են ամեն ինչ լավ է, դեմոկրաատական ընտրություններ կանցկացվեն։ Ստացվում է, որ չկա շտաբ, բայց կա շտաբի պետ»,–զարմանքվ ընդգծեց Կարապետյանը։

«Հովիկ Աբրահամյանը քնեց–զարթնեց, ասաց՝ չեմ ուզում լինել երկրի երկրորդ դեմք։ Նա երկու անգամ եղել է շտաբի պետ՝ տեսել ենք, թե ինչ ընտրություններ են եղել։ Արդար ընտրություններ ի դեմս Հովիկ Աբրահամյանի՝ դժվար է պատկերացնել»,–հավելեց «Նոր ժամանակներ»–ի նախագահը։

Պաշտոնանկությունները, ըստ բանախոսի, արվում են այն ժամանակ, երբ համապատասխան ոլորտում լճացում կա։ Հայաստանին այլ կարևոր հարցեր է պետք լուծել։ Նա կարծում է, որ Հայաստանին կոալիցիա պետք չի։ պետք է անցնալ տեխնիկական կառավարության։ 

«Եթե Սարգսյանը պատրաստվում է արտահերթ ընտրությունների, ապա նրա վերադասավորումները նորմալ են։, Այդպես արեց Սաակաշվիլին։ Ես կարծում եմ, որ Սարգսյանն ունի արտահերթ ընտրությունների մտադրություն, որովհետև սա լավագույն իրավիճակն է իր համար՝ նորից գալ նախագահի աթոռին»,–ասաց Կարապետյանը։

Նրա կարծիքով Հայաստանը այս վիճակում ճոճել պետք չէ և որևէ բան դրանից չի փոխվի։ Նա ասաց, որ դեմ է արտահերթ ընտրություններին։