Խորվաթիան ջախջախեց Արգենտինային և ապահովեց փլեյ-օֆֆի ուղեգիր (տեսանյութ, լուսանկարներ)

Աշխարհի առաջնության խմբային փուլի երկրորդ տուրում D խմբում ընդգրկված Արգենտինայի հավաքականը Խորվաթիայի դեմ խաղում երեք անպատասխան գնդակ ընդունեց սեփական դարպասը:

Անտե Ռեբիչը 53-րդ րոպեին խփեց հանդիպման առաջին գոլը, իսկ Լուկա Մոդրիչը 80-րդ րոպեին կրկնապատկեց իր թիմի գոլային առավելությունը: Խաղավարտին Իվան Ռակիտիչը հաշիվը դարձրեց խոշոր` 3:0 (90+1'):

Խորվաթիայի հավաքականը միավորների քանակը հասցրեց 6-ի և ապահովեց փլեյ-օֆֆի ուղեգիր:

Հիշեցնենք, որ առաջին տուրում Արգենտինան 1:1 հաշվով էր ավարտել Իսլանդիայի հետ խաղը:

Խմբային փուլի վերջին խաղում, հունիսի 26-ին, Արգենտինան ուժերը կչափի Նիգերիայի ընտրանու հետ, Խորվաթիան` Իսլանդիայի:

Լուսանկարները` Daily Mail-ի