ԱՄՆ-ը և Պանաման հռչակագիր կստորագրեն
Աշխարհ
«Միացյալ Նահանգները և Պանաման մտադիր են ստորագրել Պանամայի ջրանցքի անվտանգության և շահագործման մասին համատեղ հռչակագիր: Այս մասին հայտարարել է ԱՄՆ պաշտպանության նախարար Փիթ Հեգսեթը։
«Մենք ապահովում ենք Պանամայի ջրանցքի անվտանգությունը և հակազդում Չինաստանի վնասակար ազդեցությանը։ Պանամայի ջրանցքն առանցքային տարածք է, որը պետք է պաշտպանվի Պանամայի, Ամերիկայի, այլ ոչ թե Չինաստանի կողմից", - ասել է Պենտագոնի ղեկավարը Պանամայի հանրային անվտանգության նախարար Ֆրենկ Աբրեգոյի հետ համատեղ մամուլի ասուլիսում: Այն տեղի է ունեցել Պանամա Սիթիում, Պենտագոնն իր կայքում ուղիղ հեռարձակում է իրականացրել։
«Այդ իսկ պատճառով, Միացյալ Նահանգները և Պանաման հենց նոր ստորագրեցին փոխըմբռնման հուշագիր անվտանգության ոլորտում համատեղ գործունեության վերաբերյալ, իսկ մամուլի ասուլիսից անմիջապես հետո կստորագրեն Համատեղ հռչակագիր [Պանամայի] ջրանցքի անվտանգության և շահագործման մասին, որը հիմք է հանդիսանում ամերիկյան ռազմանավերին և աջակցող նավերին ազատ և առաջին հերթին Պանամայի ջրանցքով տարանցման թույլ տալու համար»,-նշել է Հեգսեթը:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
