Սա ուղղակի ցեղասպանություն է. Երեւանից մեկնած ավտոերթը հասել է Ամուլսար (ֆոտո)
Հայաստան
News.am-ը գրում է.
Ամուլսարի հանքի ճանապարհները փակած վայոցձորցիները վճռական են տրամադրված. նրանք բողոքի ակցիաները կշարունակեն այնքան ժամանակ, մինչեւ հանքը վերջնականապես փակվի: Այս մասին այսօր՝ հուլիսի 1-ին հայտարարեց Ամուլսարի հանքի ճանապարհը փակած ցուցարարներից մեկը:
«Սա ուղղակի ցեղասպանություն է, անգլիացին թող գնա Անգլիայում հանք բացի: Էս ծանր մետաղները, որ լցվելու է Արփա գետը, գնա հասնի Սեւանա լիճ, այնտեղից էլ՝ ամբողջ Արարտյան դաշտ գնա, ցեղասպանություն է: Ես դրա դեմ եմ պայքարում, ով ցանկանում է, թող գա, միանա մեզ»,- ասաց ցուցարարը:
Ակտիվիստներից մեկն էլ նշեց, որ «Լիդիան Արմենիա»-ն միայն խոստումներ է տալիս, որ անվտանգ կդարձնեն հանքի շահագործումը, սակայն չի կատարում դրանք:
«Էստեղ մարդկանց գործողությունները լեգիտիմ են, իրենց իրավունքների պաշտպանությանն են ուղղված եւ պետք է շարունակվեն: Այս մաիդիկ պաշտպանում են կյանքի իրենց իրավունքը»,- ասաց ակտիվիստը՝ տեղեկացնելով, որ երեկոյան Ջերմուկում հանրային քննարկում է լինելու Ամուլսարի թեմայով:
Մանրամասները՝ սկզբնաղբյուր կայքում:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
